Donostiako IX. Azoka Ekologikoa

Eguna eta ordua: Irailak 4 (larunbata), 10:00 - 15:00
Tokia: Boulervard, Donostia.
Antolatzaileak: Biolur, Behemendi eta Donostiako Udala.

TRANSITION mugimendua Euskal Herrian

IRAUNKORTASUNERAKO TRANTSIZIOA: Euskal Herrirako ikasbideak hitzaldia.

Munduko herri ezberdinetan martxan jartzen ari den Transition mugimendua ezagutzeko aukera izango da eta horretarako, Ingalaterrako egitasmoko bi kide izango dira, besteak beste.

• Eguna eta ordua: Uztailak 6 (asteartea), 18:30etan
• Tokia: Mondragon Goi Eskola Politeknikoan (areto nagusia) - Arrasate
• Antolatzaileak: Bagara, Lanki eta Mondragon Unibertsitatea
• Transition mugimenduak egindako dokumentalaren trailerra eta egitasmoaren inguruko informazio gehiago nahi izanez gero, sartu BAGARAko blogan.

KONTSUMO TALDEAK

Uztailearen 17an Zarauzko Gaztelekun “Kontsumo Taldeak sortzen" izeneko jardunaldiak egingo dira.

Helburua: Sortzen ari diren baserritar eta herritarren arteko harreman zuzeneko taldeei bultzada bat eman eta taldeen zalantza eta beharrak konpartitzea.

Izena emateko epea uztailaren 12an amaituko da.
Izena emateko deitu 943 654 281 telefonora (Maider), edo idatzi ebel@ehneg.net helbidera.

Jardunaldien egitaraua

Antolatzaileak: EHNE, Biolur eta Lurgintza.

TRANSGENIKOAK

Mugarik Gabeko Ingeniaritza taldeak, transgenikoen inguruko hitzaldi bat antolatu du datorren ekainaren 30ean, arratsaldeko 19tan, Guardetxean (Urgul mendia).

Transgenikoen kontra eta alde daudenak bilduko dira bertan, eta alde guztietako argudioak entzungo dira.

Informazioa

Animatu!

GAZTE EKOLIDERREK DIPLOMA JASO DUTE

Ekainaren 3an, Ingurumenaren Nazioarteko Egunari begira, Gazte Ekoliderrak egitasmoko parte hartzaileek diploma jaso zuten Kutxako ordezkarien eskutik.
30 gazteak, 19 eta 29 urte bitartekoak, ofizioz eta afizioz disziplina ezberdinetakoak, eta Gipuzkoako bazter guztietatik etorriak, ia astero bildu dira Donostiako Zabalegin jasangarritasunari eta lidertzari buruz hitz egiteko eta hausnartzeko.
Teoriatik praktikara pasatzeko bidean, orain beren herri eta eskualdeetan garatzeko proiektuak prestatzen ari dira. Hori baitzen, azken finean, Gazte Ekoliderrak egitasmoaren helburuetako bat, jasangarritasunaren alde lan egingo duten gazte aktiboak sortzea eta elkarlanean aritzea.

BIZIKLETEN AZOKA TXIKIA ekainaren 12an

Larunbatean, ekainak 12, Bizikleten Azoka Txikia egingo da Donostiako Easo plazan.

AUZOLANDEGIAK UDARAN

Aranzadi zientzia elkarteak eta Kutxak auzolandegiak antolatu dituzte aurten ere. Natura eta kultur ondarea berreskuratu, ezagutu eta zaintzen ikasteko aukera paregabea udara honetan.